Charter Document - 02520029
| Charter Number: | 02520029 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1195 |
| Date type: | Internal |
| Resource Link(s): |
Monasterium.net |
Charter:
Celestinus episcopus servus servorum dei dilectis filiis Riccerio abbati et conventui de Reidenhasla salutem et apostolicam benedictionem Sacrosancta Romana ecclesia devotos et humiles filios ex assuete pietatis officio propensius diligere consuevit et ne pravorum hominum molestiis agitentur eos tamquam pia mater sue protectionis munimine confovere Ea propter dilecti in domino filii devotionem quam erga beatum Petrum et nos ipsos habere [di]gnoscimi[ni] attendentes personas ac monasterium vestrum cum omnibus que in presentiarum rationabiliter possidetis aut in futurum iustis modis deo propitio poteritis adipisci sub beati Petri et nostra protectione suscipimus Specialiter autem capellam de Cidelare cum omnibus pertinentiis suis sicut dilectus filius Fredericus advocatus de Berge de assensu et voluntate venerabilis fratris nostri Alb[erti] Salseburgensis archiepiscopi noscitur concessisse et vos iuste et sine controversia possidetis vobis et per vos vestro monasterio confirmamus et presentis scripti patrocinio communimus Statuentes autem ut si vos in aliquo gravari per senseritis liceat vobis sedem apostolicam appellare Nulli ergo omnino hominum fas sit personas vestras vel monasterium vobis commissum temere perturbare seu hanc paginam nostre protectionis et confirmationis infringere vel ei ausu temerario contraire Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum Dat Laterani III idus martii pontificatus nostri anno quarto