Charter Document - 02520015
| Charter Number: | 02520015 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Royal |
| Charter Type(s): | Protection, Confirmation |
| Date: | 1165 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et individue trinitatis Ego Fredericus dei favente clementia Romanorum imperator et semper augustus Si circa loca deo dicata [] et circa viros religiosos sollicita consideratione invigilantes non solum rerum et possessionum collatione sed et defensione eis subvenimus speramus huiusmodi pietatis opera ad remedium et salutem anime nostre pertinere Notum sit itaque omnibus imperii fidelibus presentibus et futuris quod respectu divine gratie et pro petitione dilecti consanguinei nostri Heinrici ducis Bawarie et Saxonie allodium illud in Sconeberc et in Waltendorf quod Rafoldus predicti ducis ministerialis ecclesie beate Marie in Reitenhasela assentiente duce domino suo pro remedio anime sue in perpetuam possessionem donavit presenti scripto eidem ecclesie auctoritate imperiali confirmamus cum omnibus appendiciis suis agris pascuis aquis aquarumque decursibus exitibus et reditibus viis et inviis silvis pratis cultis et incultis et hominibus Preterea eandem ecclesiam cum ceteris possessionibus suis videlicet Schitere Cremeze Cueberc Patheringen Rode Scucinge Wentenheim Lengental Bercha Windeberge Cunratdinge Harde Cideleren Perbule et cum universis adquisitis et adquirendis in protectionem et tuitionem imperialis maiestatis in perpetuum suscepimus Et ut hec omnia supradicta rata et inconcussa eis omnibus permaneant presentem chartam sigilli nostri impressione firmari precepimus quam si aliquis ausu temerario infregerit sciat se ob lesionem maiestatis componere debere XL marcis auri purissimi quarum medietas imperiali camere et medietas predicte ecclesie pro recompensatione damni persolvatur [] Signum domni Frederici [Ro]manorum imperatoris invictissimi [] Ego Cristianus cancellarius vice Reinaldi archicancellarii Italie recognovi Acta sunt hec anno dominice incarnationis MCLXV