Charter Document - 02520010
| Charter Number: | 02520010 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1155 - 1161 |
| Date type: | Assigned |
| Resource Link(s): |
Monasterium.net |
Charter:
In nomine sancte et individue trinitatis Ego Eberhardus per dei gratiam Salzburgensis ecclesie archiepiscopus Exigente officii nostri debito omnium pauperum Christi utilitate debemus providere et sub obtentu divine misericordie bone voluntatis affectum exhibere Unde Christi pauperibus in monasterio Reitenhaselach deo servientibus beneficii munus exhibentes tradidimus eis duos mansus in Harde sitos cum omnibus pascuis in omnimodam proprietatem Insuper etiam unum mansum in Raine situm quem ministerialis noster Siboto videlicet de Surberch in beneficium habuit peticione ipsius Sigbotonis eidem monasterio item in omnimodam proprietatem delegavimus Quoniam autem benefacere numquam debet nobis sufficere eisdem fratribus in manifesto capitulo nostro Salzburch habito multis prelatis et fratribus nostris presentibus dotem quandam ecclesie Perchirchen consensu et peticione plebani eiusdem ecclesie [] te donavimus ut ipsi abbati et successoribus suis singulis annis persolvat unum modium tritici VII modios siliginis VIII modios avene et dimidium talentum nec aliquis plebanus ibi succedens dotem ipsam auferre presumat quamdiu prefatum censum persolvere eis placuerit