Charter Document - 02520009

In nomine sancte et individue trinitatis Henricus dei gratia Ratisponensis ecclesie episcopus Geroni abbati de Raitenhaselach et [] eius fratribus Beatus qui intelligit super egenum et pauperem Cuius beatitudinis consorcium cupientes adipisci prout expedire intelligimus mandato apostolice sedis libenter acquiescimus quo id cognoscimus rationabiliter institutum ut a monachis proprio labore ac sumptu colentibus terram suam non exigantur decime Proinde vobis vestrisque successoribus fratres in deo dilecti hoc presenti scripto firmamus immo scriptis apostolicis firmatum recognoscimus ut in episcopatu nostro de huiusmodi laboribus nullas persolvatis decimas aut etiam de animalium vestrorum nutrimentis Adicimus etiam de capellis quas iure fundi vel nunc possidetis vel adhuc iusta ordinatione per dei gratiam possessuri estis ut nullum in eis fiat ministerium sacerdotale nisi vestri assensus rationabili approbatione firma et inconvulsa vobis permanente predictarum capellarum facultate in dotibus aliis oblationibus ea videlicet cautela interposita ut parrochiales ecclesie a colonis quibus divina faciunt iustam subiectionem obtinentes per easdem capellas non minuantur in subtractione alicuius iusticie sibi a colonis debite verbi gratia in decimis in sepulturis in baptismo [] huiusmodi Ne quis autem hanc nostre institutionis paginam temere audeat violare hanc nostra subscriptione nostrique sigilli inpressione roboratam banno quoque firmamus episcopalis nostre auctoritatis ut si quis ausu temerario contra eam venire temptaverit si non secundo ac tercio ammonitus fuerit emendatus eodem banno teneatur astrictus quoadusque factum suum corrigat et condigne satisfaciat Ipsam vero servantibus et nunc et in futura vita salus et benedictio domini proveniat Amen Amen Amen Datum Salzburc in presentia domni Eberhardi Salzburgensis archiepiscopi VII iunii [+] Huius rei testes sunt Henricus abbas de sancto Petro Hugo prepositus de Salzb[urc] Covno de Chimisse Gerhoc de Richerb[erc] Gotescalcus de Bovwenb[urc] Henricus prepositus de Hallai Engelbertus marchio de Istria Engelberdus comes Hallensis Sigefridus comes de Luibenouwen Luitoldus comes de Blaigen Henricus comes de Wolferatehusen Luitoldus de Sidesdorf Durinc de Werben Ovdalricus de Leren et alii quam plurimi Anno ab incarnatione domini MCLII indictione XV anno primo regni Friderici regis secundi