Charter Document - 02520008
| Charter Number: | 02520008 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1149 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Chunradus divina favente clementia sue regalis prosapie Romanorum rex semper augustus Bonus homo de bono thesauro cordis sui profert bona Ea propter nos siquidem Chunradus divina favente clementia sue regalis prosapie Romanorum rex semper augustus universis Christi fidelibus tam futuris quam presentibus notum facimus qualiter Rafoldus ministerialis regni vir fidelis ac deo devotus in odorem suavitatis domino lybans ac offerens duos regales mansus in villa Scovnberch que prius vulgo dicebatur Nahtstal sitos in pago Cidalaregove a predecessore nostro beatissime memorie domino Heinrico Romanorum imperatore tercio augusto sibi pro fideli obsequio suo cum libera facultate quicquid ei placeret inde faciendi in proprium donatos et regio privilegio sibi stabilitos ad cenobium Reitenhaselach pro remedio anime sue sine omni prorsus contradictione contulit ac in proprium donavit Viri quoque nobilis mansum unum in Waltendorf situm eidem monasterio et fratribus ibidem deo devote famulantibus contradidit et cum omnibus pertinentiis eius in perpetuum eis habendum omni munimine stabilivit Nos etenim quia decet omnium maxime Christi fidelium curam gerere predictum cenobium cum omnibus bonis ad id pertinentibus specialiter et nominatim supra memoratis bonis sub nostram tuicionem suscipimus et ne quis ea inquietare imminuere auferre violenter audeat vel presumat sub obtentu gratie nostre precipimus Quoniam vero sicut regalis auctoritatis dignitas omnes alias prerogativa sue excellentie supereminet et excellit et minus rata sunt universa sine eius concessione vel confirmatione hanc nostri sigilli cartam tam testium numero quam signi nostri caractere firmamus et corroboramus addito quod violator huius privilegii debet centum libras puri auri medietatem nobis et alteram medietatem predicto cenobio Huius rei testes sunt Eberhardus Salzburgensis archiepiscopus Eberhardus Babergensis episcopus Ortliep Basiliensis episcopus Romanus Gurcensis episcopus Adam Ebracensis abbas Heinricus dux Karinthie Otto palatinus comes Hermannus marchio de Baden Engelbertus marchio Ystrie Berhtoldus comes de Andehse Hartwicus comes de Natterenberch Berhtoldus comes de Bovgene Engelbertus comes Hallensis Chuno de Megelingen et alii quam plures Signum domni Chunradi Romanorum regis semper augusti Ego Arnoldus cancellarius vice Heinrici Moguntini archiepiscopi et archicancellarii recognovi Data Salzburg X k iunii indictione XII anno dominice incarnationis MCXLVIIII regnante domino Chunrado sue regalis prosapie Romanorum rege secundo anno vero regni eius XII