Charter Document - 02520004

In nomine sancte et individue trinitatis Ego Covnradus per gratiam dei Salzburgensis ecclesie archiepiscopus Licet testante apostolo quod omne quod antiquatur et senescit prope ad interitum sit presentem ecclesiam effusione sacrosancti sanguinis Christi in plenitudine temporum redemptam et consecratam elabi et vacillare videamus tamen in hoc nostro tempore in quo finis seculorum devenit abundante iniquitate multorumque karitate refrigescente deus omnipotens qui numquam secundum divitias bonitatis sue humano generi defuit multipliciter nos consolatur dum nobis in his diebus hominum non deum sed semetipsos amantium multis modis auxiliatur Denique cum propter perseverantiam malorum iuxta verba libri Job dicentis Terra tradita est in manus impii diaboli videlicet magnum ecclesie sue lumen accendit dum ordinem Cisterciensium qui presentem mundum mentis virtute calcantes actu et habitu ut passim in domo sua que est ecclesia luceant exaltavit et dilatavit Quia vero mediante divina cooperatione ad honorem dei pro qualitate collate nobis industrie ecclesiam nostram administravimus et disposuimus plures nos adierunt doctrinamque nostram prosecuti sua deo conferre potissimum iudicaverunt Factumque est divina preeunte inspiratione quod Wolferus de Tegerwac uxorque eius Hemma filii quoque eorum Wolferus et Heinricus predium suum Scovzingen iuxta fluvium qui dicitur Rote Mosefogelf deo et beato Rovdberto contradiderunt nobisque et successoribus nostris possessioni provisioni et defensionis ad ordinem Cisterciensium monachorum designaverunt eos tenore ut episcopali traditione omne ius cenobiorum nostrorum in collationibus liberorum hominum vel ministerialium nostrorum irrefragabiliter possideant Nos igitur fratres toto cordis affectu suscipientes abbatem illis Geronem nomine consecravimus et stabilivimus Considerantes autem situm loci non esse aptum illi ordini consilio habito traditionem suam fundatori reddidimus ut concambium faciendum firmius faceremus Alta itaque consideratione consilii ad habitationem fratrum et situm cenobii atque ad prefatum ordiner ai observandum antiquam ecclesiam nostram Reitenhaselah que tunc vacabat tradidimus cum decimis dote et familia omnibusque necessariis remota parrochia insuper et Tierolfingen mansum unum cum pascuis cultis et incultis quesitis et inquirendis in silva que vulgo dicitur Amphinarevorst areamque Scuzingen quam a monachis sancti Petri cambivimus et pascua Portene ex nostra traditione illis in perpetuum assignavimus et receptum locum Scuzingen atque Mosefogel ad sustentationem prefato abbati et fratribus reddidimus ut per temporalia nostra sempiterna cum ipsis metamus Confirmamus etiam pontificali auctoritate et banno eisdem filiis nostris cum traditione ista omnia que prefatus Wolferus illuc contulit sive alii vel adhuc ab eo sive ab aliis fidelibus conferenda sunt atque exlnde presens privilegium conscriptum nostroque sigillo insignitum volumus ut tam posteris quam presentibus hec fundatio et plantatio notificetur Prime igitur traditionis testes hi sunt Heinricus episcopus Ratisponensis Otto Frisingensis Romanus Gurcensis Gwido diaconus cardinalis Baldericus abbas Salzburgensis Gebeno prepositus Salzburgensis Perhtoldus abbas sancti Emmerammi Gotfridus abbas Ademovntensis et alii abbates quam plurimi Hugo prepositus Berthersgadensis Herebort Owensis Gotscalcus Bowenburgensis aliique prepositi clerici et monachi multi comes Liutoldus de Blein Heinricus de Hegelen Adelbero[t] de Werven Liutoldus de Hauerlant Meingoz pincerna Durinc de Dietramminginv maximaque multitudo tam nobilium quam ministerialium Secunde quoque traditionis vel concambii sunt testes Otto episcopus Frisingensis Romanus episcopus Gurcensis Heinricus prepositus Gurcensis Heremannus prepositus de Frisingen Engilrammus archidiaconus Liutoldus capellanus Engilbertus marchio de Istria Engilbertus comes de Halle Hartmannus et filius eius de Novzdorf Volkmarus de Lihtenstein Heinricus de Hegelen Engilsclacus de Friesach Godfridus de Wietingin Rovdolfus de Tunesberc Meginz pincerna aliique quam plurimi + Ego Covnradus archiepiscopus subscripsi + Ego Romanus episcopus subscripsi + Ego Gero abbas ss + Ego Otto Frisingensis episcopus suscripsi + Ego Hermannus prepositus ss + Ego Livtoldus capellanus ss + Ego Engilrammus archidiaconus ss + Ego Rovdbertus notarius ss Actum Salzburc anno incarnationis dominice MCXLVI indictione VIIII nonas iunii primo anno Eugenii pape regnante Covnrado Romanorum rege Suscepit autem hanc traditionem et confirmavit reverendus archiepiscopus Covnradus Salzburgensis anno XLI sui pontificatus