Charter Document - 02520003
| Charter Number: | 02520003 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1079 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
In nomine sancte et individue trinitatis Heinricus divina favente clementia rex Notum sit omnibus Christi nostrique fidelibus tam futuris quam presentibus qualiter nos ob interventum Berhte et regni et thuri socie ac dilecti filii nostri Chunradi Heinrici patriarche Megenwardi Frisingensis episcopi ceterorumque fidelium nostrorum cuidam servienti nostro nomine Rafold mansum id est regalem situm in villa Walde in pago Isinigowe in comitatu Ovdalrici cum omnibus appenditiis areis edificiis terris cultis et incultis viis et inviis pratis pascuis campis silvis venationibus aquis aquarumque decursibus molis molendinis piscationibus exitibus et reditibus quesitis et inquirendis ac cum omni utilitate que ullo modo inde provenire poterit in proprium tradendo firmavimus firmando tradidimus insuper ancillam unam nomine Adelhait sibi dedimus ea autem conditione ut idem Rafold deinceps liberam potestatem habeat eundem mansum possidendi posteris relinquendi vel dandi cui voluerit ita tamen ne de nostra potestate exeat Et ut hec nostra traditio firma et inconvulsa omni evo permaneat hanc cartam inde conscriptam et nostra manu ut infra videtur corroboratam sigilli nostri inpressione iussimus insigniri [Signum domni Heinrici quarti regis invictissimi Gebhardus episcopus et cancellarius recognovi] Armos dominice incarnacionis MLXXVIIII indicionis III nono kl novembris data anno autem ordinacionis domini Heinrici IIII regis XXVI regni XXIIII actum Ratispone feliciter in nomine domini amen