Charter Document - 02520001
| Charter Number: | 02520001 |
|---|---|
| Cartulary Title: | Die Urkunden des Klosters Raitenhaslach : 1034-1350 |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1034 |
| Date type: | Internal, A.D., Regnal |
| Resource Link(s): |
Monasterium.net |
Charter:
In nomine sancte et individue trinitatis Chunradus divina favente clementia Romanorum imperator augustus Omnium Christi nostrique fidelium tam futurorum quam et presentium universitati notum esse cupimus qualiter nos ob interventum ac peticionem dilecte coniugis nostre Gisile imperatricis videlicet auguste et amantissime nostre prolis Heinrici regis necnon et Pilgrimi Coloniensis archiepiscopi venerandi quoddam nostri iuris predium id est unum nobilis viri mansum in loco Waltendorf dicto in pago Filisarihart et in comitatu Ottonis marchionis situm cuidam nostri scilicet iuris servo Pabo dicto cum omni lege et utilitate ad idem predium pertinente in proprium tradidimus areis edificiis agris campis pratis pascuis exitibus et reditibus terris cultis et incultis silvis venationibus viis et inviis aquis aquarumque decursibus piscationibus molis molendinis quesitis et inquirendis necnon cum omni commoditate que scribi aut nominari potest in proprietatem tradidimus Insuper etiam eidem P VIII de suo beneficio mancipia id est Willinum Rvozinum Regilam Sickam Luzam et iterum Luizam Enzam in proprium ius ac potestatem concessimus eo videlicet tenore ut prescriptus P de prenominato predio et mancipiis liberam deinceps habeat potestatem tenendi tradendi vendendi commutandi vel quicquid sibi placuerit faciendi Et ut hec nostre donationis auctoritas stabilis et inconvulsa omni permaneat ego hanc paginam inde conscriptam sigilli nostri inpressione iussimus insigniri Signum domni Chunradi invictissimi Romanorum imperatoris augusti Data VII idus maii anno dominice incarnationis MXXXIIII indictione II anno autem domni Chunradi secundi regnantis X imperantis vero VIII actum Bereharthus feliciter amen