Charter Document - 02510095

Charter Document - 02510095


Charter Number: 02510095
Cartulary Title: Kloster Ranshofen Urkunden (Augustiner-Chorherren 898-1813 [1350])
Charter Language: German
Charter Origin: Lay
Charter Type(s): Lease
Date: 1372
Date type: Internal, A.D., Feast
Resource Link(s): Monasterium.net

Charter:

Ich Fridreich Sweikkers sun von Pischolfstorf vergich daz ich han bestanden von dem erbern herrn hern Dietmarn probst ze Reichersperg ze pawmansrecht den obern hof ze Revel der dez vor genanten gotzhaus ledigs freys aygen ist also daz ich in selben hausleich und stittleich besitzen sol und schul im auch und dem gotzhaus den verdienen und verstewrn alz ich stat und genad an in vinden mag Geschach aber daz si mir den vorgenanten hof nicht lenger mochten oder wolten lassen so schul ich in antwurtten stiftleich und pawleich und sam und ardhew richten alz landes recht ist und wem si den hof darnach lassent den schol ich darzu furdern und nynndert hindern Und zu urchund gib ich in den prief versigelten mit meins lieben genadigen herren hern Jorgens von Ahaim und Heinreichs dez Talhaimer anhangunden insigeln Geben nach Christes gepurd dreutzehen hundert jar darnach in dem zway und sibentzkisten jar an sand Matheus tag dez heiligen zwelfpoten und evangelist