Charter Document - 02510085
| Charter Number: | 02510085 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1303 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos wernhardus dei gracia ecclesie patauiensis episcopus presentibus confitemur quod cum dilectus in christo confrater noster dominus Meingotus de waldek venerabilis Canonicus patauiensis plebanus in Siernich venerabilem in christo fratrem dominum chunradum ranshouensem prepositum super predio poeses prune quod ad ecclesiam suam in Sirnich pertine asseruit traxisset in litem partes predicte ut expensis et laboribus se discretorum uirorum supra premissa causa amicabiliter decidenda arbitrio conmiserunt ex quorum ordinacione prefatus prepositus predicto domino Meingoto plebano in Siernich VII talenta denariorum dedit et soluit in vtilitatem predicte ecclesie in sirnich conuertenda dictusque plebanus de sirnich prepositum et ecclesiam ranshouensem a premissa impeticione absoluit renuncians omni iure et accione quod sibi et sue ecclesie predicte in dicto predio posenprunn videbatur conpetere uel conpetebat prout in litteris inde confectis predicti plebani de sirnich et venerabilis fratris domini oeinwici prepositi ecclesie de sancto floriano munitis dicitur contineri Nos igitur ad peticionem parcium predictorum premissa auctoritate ordinaria confirmamus de certa scientia in hiis scriptis nostro sigillo munitis datum patauie anno domini MCCC tercio V kalendas Julii