Charter Document - 02510081
| Charter Number: | 02510081 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | German |
| Charter Origin: | Lay |
| Charter Type(s): | Confirmation |
| Date: | 1300 |
| Date type: | Internal, A.D., Feast |
| Resource Link(s): |
Monasterium.net |
Charter:
Wir Ludwig der Grans Pfleger zu Uttendorf und ze Praunau und Richter ze Weilhart tun chund allen den di disen Prief ansehent oder hoerent lesen Daz daz Gotzhaus ze Ranshoven und sein Pfleger swie si gehaissen sind von der Wiss datz Lintach dez Herzogen Forstmaister jerlichen nicht mer geben sol noch ander jemand icht nur tzwen gmain Schoeber altes Heus ain von der Lintach Wiss den andern von der Spitalwiss Also ist id Herchomen mit der alten Gewonhait den wol gwissen ist den Naechsten und den pesten di umb die Wiss gesessen sind di den Sach gewandelt haldent bei vierzig Jaren Und daz um daz in noch uns oder pei uns ein poez Gewonhait fuer ziechen mueg an denselben heun gewen wir ze selben Chloster vmt dem Convent diesen Prief versigelt mit unserem Insigel ze einer gewissen und ze einer Urkunt Der Prief ist geschriewen und gewen do von Christes Purd worn Tausar Jar dreyhundert Jar an sant Otmarstag