Charter Document - 02510072

Nos Chunradus dei gracia prepositus ecclesie Ranshovensis Totusque conuentus ibidem uniuersis presentem litteram inspecturis uolumus esse notum quod nos aput fridericum Hollarium Ciuem in Purchusa et Christanum filium suum ceterosque heredes suos utriusque sexus emimus quoddam predium dictum Sintzing soluens annis singulis unum talentum Saltzpurgensis monete pro xviiij libris eiusdem monete qui ipsum predium in feodo habuerunt a domino Meingoto milite in Vbrechken et filio suo friderico proprietatem uero dicti predii comparauimus ab ipso friderico filio militis prenotati qui ius proprietatis quod in edem predio sibi compeciit et competere debuit pro se et omnibus suis amicis nobis liberaliter condonauit pro duobus talentis Saltzpurgensibus ad arbitrium Chunradi uiri honorabilis judicis in weilhardo Postea subsequenter ut auctoritate pleniori ipsum predium possideremus legauit fridricus filius domini Meingoti militis predicti liberaliter pro se et omnibus amicis suis ipsum predium super altare sancti Pancracii in nostra presencia et multorum Cum uero per nos eandem solucionem soluere non possemus in predio prenotato jeuta conuersa dilecta in christo soror nostra in domo nostrarum dominarum de laboribus suis de nostra licencia et permissione dedit quinque talenta prefate monete pro quarta parte census predii pretaxati ut quarta pars census eiusdem predii hoc est quadraginta denarii annuatim pro habendis luminaribus cederet ad altare beate uirginis katherine sibi pro memoriali et remedio sempiterno Nos uero sicut bene decuit inspecta eius deuota deuocione et consciencia salutari quam ad beatam katherinam habuit eandem deuocionem auctorantes de communi nostri capituli consilio et fauore nichilominus sub uirtute sancte obediencie nobis nostrisque successoribus statuimus firmiter et districte ut quarta pars sicut prehabitum est uidelicet lx denarii saltzpurgenses prout jeuta predicta ut in precedentibus continetur de laboribus manuum suarum pro uigili sollicitudine comparauit detur annuatim sine qualibet occasione in die beate katherine in usum luminis ad eius altare illi domine assignando in claustro nostrarum dominarum cui tunc commissum est de accendendis luminibus prouidere Si uero quod absit illud predium ex grandine incendio caristia uel rapina uel aliquo modo alio fuerit desolatum ita quod ex eo nichil seruicii poterint prouenire saltim quarta pars de prato molendino seruicio et aliis prouentibus eiusdem predii quibuscumque ad altare beate katherine sicut prehabitum est tribuatur uel si id ipsum predium uendatur uel aliquo modo ab ecclesia alienetur predicti lx denarii de Cellaria nostra ad lumen prefatum altaris beate uirginis katherine ineuitabiliter persoluantur Sique uero persone nostrum [statutum] tam debitum quam salutare non soluerint sed transgresse fuerint in dispendium sue salutis priuentur celesti lumine ac tenebrentur tenebris penalibus et obscuris Que uero persone hoc statutum tenuerint inuiolabiliter et persoluerint lumine superno gaudeant et in agonia sue mortis adiuuentur suffragiis beate katherine ac aliorum sanctorum quorum reliquie in ipso altari sunt recondite et locate Ne autem hoc in futuro a quoquam ualeat aliqualiter uiolari sed ut rata permaneant atque firma omnia supradicta presentem litteram sigillo nostri conventus atque priori subscriptis testibus diligencius fecimus commutari In huius rei testimonium et cautelam Huius rei testes sunt Sibbot albertus Hainrictis Fridricus Siboto Hainricus Hertingus wernhardus Dietmarus sacerdotes Chunradus iudex weilhardi Hertlinus stalo anwicus frater domini Chunradi prepositi Chunradus scriptor Hainricus filius meinhardi Ludwicus magister curie Otto Sartor et alii quam plures ydonei et fide digni Acta sunt hec anno domini Millesimo ducentesimo Nonagesimo vij in die beati Galli