Charter Document - 02510065
| Charter Number: | 02510065 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1295 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Wernhardus dei gratia Ecclesie Patauiensis [episcopus] tenore confitemur presentium quod cum dilectus in christo frater noster dominus Chunradus venerabilis prepositus Ranshofensis tanquam vir prouidus et discretus futuris volens dispendiis occurrere a nobis rationabiliter petiuisset quatenus ei de paterna sollicitudine curaremus prouidere ne futurus plebanus Ecclesie in Puchchirichen decimas suas in Hartperg antiquo iure pertinentes ad Ecclesiam Ranshofensem quas ex quodam contractu celebrato inter prepositum Ranshofensem et dilectum nobis dominum Wernhardum venerabilem prepositum Oetingensem Plebanum in Puchirichen idem plebanus de Puchirichen tenet et possidet ad vite sue tempora nomine Ecclesie Ranshouensis occupet vel ab Ecclesia Ranshouensi distrahere presumat vel quomodo libet alienare Nos suis precibus annuentes de partium inter quos contractus extitit celebratus consensu Ranshouensi Ecclesie in predictis decimis recognoscimus de certa scientia sua iura et ea precipimus et volumus ei inuiolabiliter obseruari In cuius rei testimonium presentes dedimus literas nostro sigillo munitas Datum Patauie Anno domini Millesimo CC Nonagesimo quinto Bartolomei Apostoli