Charter Document - 02510061
| Charter Number: | 02510061 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos wernhardus Dei gracia Ecclesie Patauiensis [episcopus] tenore confitemur presencium quod cum dilectus in christo frater noster dominus Chunradus venerabilis prepositus Ecclesie Ranshouensis a felicis recordacionis predecessoribus nostris et a nobis archydyaconatum Maticensem aliquamdiv tenuisset in conmisso idem tanquam vir prudens voleris futuris periculis precauere peciit a nobis quatinus sibi super eo cauere dignaremur quod eo decedente vel viuo ab predicto archydyaconatv recedente Ecclesia Ranshofensis in parrochialibus Ecclesiis suis videlicet Ranshoven Pravnov Nivnchirichen Hoentenperg Hohwerich cum suis capellis et terminis sitis infra limites archidyaconatus Maticensis et exemptis ab omni iure archydyaconalj preiudicium euitaret Nos suis iustis peticionibus inclinati eisdem Ecclesiis suis de certa scientia recognoscimus omnia iura sua que eis compecierunt ab antiquo et ex priuilegio speciali super quo Ranshouensem Ecclesiam presentibus nostro sigillo munitis communimus Datum Patauie Anno domino MCC Nonagesimo tercio Bartholomej apostoli