Charter Document - 02510059
| Charter Number: | 02510059 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Altmannus de Leowolfing tenore presentium profiteor et constare cupio universis presentia inspecturis Quod ego presente et consentiente Altmanno filio meo in recompensacionem dampnorum ac lesionum que per me sustinuit Ecclesia Ranshovensis et pro salutis mee augmento eidem Ecclesie dedi et donavi in perpetuum annis singulis dimidiam Libram Ratisponensis monete de curia mea in Poetrechperig Census nomine primo et principaliter persolvendam tali duntaxat condicione interveniente quod cum ego vel predictus filius meus Altmannus pro recompensacione census prelibati Ecclesie Ranshovensi de proprietate nostra redditus dimidii talenti Ratisponensis monete infra Thalbach et Rotam absolute et libere dederimus in futurum dicta curia in Paetreichberg ab impetitione Prepositi et Conventus sepe dicte Ecclesie sit penitus absoluta In cuius rei Testimonium evidens et cautelam tam ego quam filius meus prenotatus sigillis carentes propriis presentem literam dedimus Ecclesie Ranshovensi sigillis Honorabilium virorum Dominorum Friderici decani in Trustern Ottonis militis de jahenstorf Ulrici de Leowolfing Patrui nostri communitam cum quibus huius rei festes sunt Paldwinus Arnoldus de Furstenekk Heinricus de mulwerch gener suus Chunradus de Indorspach Ulricus ibidem Fridericus Ostermann Ulricus filius Reinhalmi Walchuinus de Chetendorf Albertus de Jahenstorf et alii multi Datum et actum in Arldorf apud Vilsam Anno domini MCCXCIII in octava Nativitatis beate virginis