Charter Document - 02510047
| Charter Number: | 02510047 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1287 |
| Date type: | Internal, A.D., Calendar |
| Resource Link(s): |
Monasterium.net |
Charter:
Albertus dei gratia dux Austrie et Stirie Dominus Carniole Marchie ac portus Naonis vniuersis ad quos presens scriptum per venerit Inperpetuum Pia laudabilis et salubris est illa beneficiorum concessio qua indigentie famulancium deo succurritur et eterna munera conparantur Ea propter nos contemplatione datoris omnium bonorum Honorabilium virorum Prepositi et conuentus Ecclesie in Ranshouen consolationis augmenta benignius amplectentes eisdem ad procurationem Chunradi prepositi ibidem dilecti nobis libertatem decem Caratarum vini crescentis in suis vineis donamus plenariam Mutam siue theloneum de ipso vino dum sursum duci contigerit tam in alueo Danubii quam in eno per loca mutarum nostrarum singula libenter et liberaliter relaxantes In cuius testimonium euidens et cautelam has literas scribi et sigilli nostri munimine iussimus roborari Datum Lintze Anno Domini Millesimo Ducentesimo Octogesimo Septimo in Kalendas Septembris