Charter Document - 02510044
| Charter Number: | 02510044 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Hainricus dei gracia Abbas totumque collegium fratrum jn Peowern ordinis sancti Benedicti Salzpurgensis dyocesis omnibus presentem paginam inspecturis volumus fideliter esse notum Quod nos ex unanimi et concordi nostri Capituli voluntate omne ius nostrum montanum siue in vino et denariis quod in Chrizendorf Austrie habuimus libere ac quiete in plenaria possessione dedimus Ecclesie Ranshouensi et fratribus ibidem liberaliter inperpetuum pro conmutatione reddituum eorum in wiesse nobis connexorum et pro XX talentis salzpurgensis monete et modio frumentj qui tunc pro X talentis eiusdem monete et LXXX denarijs emebatur ipsum ius montanum cultum siue incultum quesitum et inquirendum integraliter dedimus Ecclesie pretaxate prouentus eiusdem iuris ciuilis siue montani est annuatim XLIII urne vini et XXIIII denarij de quadam vinea ibidem et XLV denarij de duabus areis ibidem et tres denarii ad tres urnas vini adduntur Ne autem hec nostra donatio uel pocius conmutatio uel contractio per nos aut nostros successores quoscumque jmmo precipue per nostrum dyocesianum Episcopum sev aduocatum possit atque debeat aliqualiter inmutarj odio contencione querimonia appellatione presentem litteram sigillorum nostrorum robore amicabiliter roboratam dedimus pro testimonio firmissimo ac cautela Ecclesie Ranshouensi que nobis speciali fraternitate et intima dilectione est ab initio et perenniter copulata Huius rej testes sunt dominus vlricus de haunsperg fridericus montanus dominus wernhardus custos dominus ainwicus hainricus plebanus jn lamprehtzhausen meinhardus sacerdotes et dominus fridericus qui tunc fuit ad sanctum petrum salzpurge Hij sunt sacerdotes et fratres nostre Ecclesie hainricus dyaconus nostrj locj hainricus subdyaconus de wichse Chunradus conuersus nostrj locj de nostra familia Dietmarus vicentius hainricus symon fridericus cocus et alij quam plures fide digni Acta sunt hec Anno domini MCCLXXXII in die beatj Nicomedis in nostra Ecclesia in peowern ad noticiam firmissimam hominum futurorum Amen