Charter Document - 02510034

Nos Chunradus dei gracia prepositus Totusque conuentus ecclesie Ranshouensis uniuersis presencium inspecturis declaramus quod nos de conmuni consensu nostri Capituli et fauore dilecto in christo confratri nostro domino wernhardo Plebano in Puchchirchen Illustris ducis wawarie capellano contulimus donauimus et concessimus tantummodo pro diebus et temporibus sue uite nec alteri cuiquam persone quam sibi quasdam domos nostras Decimales circa Haertperch in parochia nostra sitas quas propriis suis uocabulum in hunc modum duximus exprimendas in lachen dimidiam hubam Curiam Gerungi In Sewen dimidiam hubam Ibidem dimidium quartale Supra ualle dimidiam hubam Curiam Vulpis in qua duo coloni resident Curiam in Linten In Leiten dimidiam hubam In Hartperg quatuor feoda In Prunne duo feoda In Oede duo feoda In forstorn duas domos decimales superiores que simul collecte in numero decem et nouem domos decimales faciunt In hiis idem dominus wernhardus accipiet annuatim tantum maiorem decimam triticum scilicet et siliginem ordeum et auenam fabas quoque et pisas accipiet ubicunque uel in campis aut in ortis per easdem decimas excolentur Minorem autem decimam cum alterius materiei rerum que de seminibus uel altilibus pecoribus aut apibus siue plantis euenire poterit in decimis memoratis non recipiet sed relinquet nobis et ecclesie nostre annis singulis ut libere possessionis nostre titulum in ipsis domibus decimalibus per eandem minorem decimam que est nostra tucius obseruemus Debet quoque decima pretaxata singulis annis duci et reponi in predio nostro dicto prunne propter maiorem et securioriorem nostre libere possessionis cautelam Post obitum uero memorati domini wernhardi prefata decima sine contradictione cuiusquam integraliter ad nostram ecclesiam reuertetur sic ut nec dyocesanus noster nec aliquis successorum in Ecclesiis puchirchen et Mauwerchirchen sibi presumat predictam nostram decimam uendicare propterea quod antecessor suus sepe dictus wernhardus habuerit eam pro subsidio sue domus per nostrum gratum fauorem quem suis meritis aput nos et ecclesiam nostram promeruit multis modis Insuper in huiusmodi fauoris nostri euidencius argumentum supradictum dominum wernhardum de conmuni consensu et unanimi uoluntate in confratrem nostrum recepimus dantes sibi plenam participacionem bonorum omnium que per nos et successores nostros fieri poterunt in Ecclesia Ranshouen Ne autem hec nostra donacio siue concessio per nos siue successores nostros fraude uel dolo seu quocumque modo per auctoritatem dyocesani uel alterius superioris cuiusquam ualeat immutari presentem litteram sigillo uenerabilis abbatis in povwern et nostrorum sigillorum munimine roboratam sepefato domino wernhardo dedimus in testimonium et cautelam omnium premissorum Huius rei testes sunt confratres in Ranshouen Albero celararius Albertus plebanus in Geroltzperg Siboto custos Hainricus dictus de Chramnok Hainricus plebanus in Pravnaw Perngerus plebanus in Haertenperg Fridericus plebanus in Noua ecclesia sacerdotes Chunradus de Planchenpach dyaconus Magister iohannes canonicus in Oetinga dominus ch uiceplebanus in Puchchirchen wolchunus notarius ipsius domini wernhardi dominus alramus de vttendorf dominus Otto de planchenpach dominus Vlricus miles de Seifritstorf Hainricus zolnerius de Purchusa anwicus gener suus Hainricus Harderius Fridricus sueuus ciues de praunaw wernhardus caupo otto pellifex et alii quam plures Acta sunt hec in capitulo nostro Ranshouensi Anno domini Millesimo ducentesimo septuagesimo septimo Idibus septembris