Charter Document - 02510015
| Charter Number: | 02510015 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Papal |
| Resource Link(s): |
Monasterium.net |
Charter:
Innocencius episcopus seruus seruorum dei dilectis filiis abbati de Pruel et preposito de osterhouen patauiensis dyocesis et Scolastico Ratisponensi Salutem et apostolicam benedictionem Sua nobis dilectus filius prepositus de Ranshouen significacione monstrauit quod cum archydiaconus patauiensis ecclesie iura sui archydiaconatus niteretur contra sedis apostolice priuilegia infra parrochie sue terminos exercere ac ipsum super hoc coram H decano C preposito sancti Nycolai et O canonico patauiensi auctoritate nostra traxisset in causam idem racionabiles causas ostendens uocem ad nos appellacionis emisit cui dicti iudices humiliter detulerunt Quo circa discrecioni uestre per apostolica scripta mandamus quatenus si est ita partibus conuocatis et auditis hinc et inde propositis quod canonice fuerit appellacione postposita decernatis facientes quod decreueritis per censuram ecclesiasticam firmiter obseruari quod si non omnes hiis exequendis potueritis interesse duo uestrum nichilominus exequantur Datum laterani Idus aprilis pontificatus nostri anno duodecimo