Charter Document - 02510014
| Charter Number: | 02510014 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1254 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocencius episcopus seruus seruorum dei dilectis filiis R scolastico maioris ecclesie de chirichperg et de Horbach plebanis Ratisponensis salutem et apostolicam benedictionem Sua nobis prepositus et conuentus de Ranshouen conquestione monstrauit quod L archidiaconus patauiensis super iurisdictione uisitacionis et procuracionis quorumdam plebanorum pertinencium ad eosdem contra antiquam et approbatam consuetudinem et rebus aliis grauiter iniuriatur eisdem Ideoque discrecioni uestre per apostolica scripta mandamus quatenus partibus conuocatis et auditis hinc inde propositis quod iustum fuerit appellacione postposita decernatis facientes quod decreueritis per censuram ecclesiasticam firmiter obseruari Testes autem qui fuerint nominati si de gracia odio uel timore se subtraxerint cogatis censura simili appellacione remota ueritati testimonium perhibere Quot si non omnes hiis exsequendis potueritis interesse duo uestrum nichilominus exsequantur Datum laterani II Nonas februarii pontificatus nostri anno XII