Charter Document - 02510013
| Charter Number: | 02510013 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1241 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Rvdigerus dei gratia Patauiensis episcopus omnibus hanc litteram inspecturis salutem in domino Sperantes nobis proficere ad eterne retributionis premia capienda si ecclesiis dei succurramus commoditatis remedio temporalis aduertentes etiam earundem deuocionem ecce dilectis in christo fratribus conuentui ecclesie Ranshouensis de consilio capituli et ministerialium nostrorum hanc indulsimus graciam specialem ut uasa ipsorum in Austriam descendentia et naues ipsorum uictualia ab Austria deferentes in ciuitate Patauiensi deinceps gaudeant transitus libertate et a uexatione et exactione que ratione mute solet exigi penitus sint inmunes Et ne super hac gratia dicto conuentui ualeat calumpnia in posterum suboriri presentem paginam cum sigillo nostro et capituli ipsis dedimus in testimonium et cautelam Datum Patauie anno domini MCCXLIIV idus aprilis XIIII indictione pontificatus nostri anno octavo