Charter Document - 02510006
| Charter Number: | 02510006 |
|---|---|
| Cartulary Title: | Kloster Ranshofen Urkunden (Augustiner-Chorherren 898-1813 [1350]) |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1210 |
| Date type: | Internal, Calendar, Papal |
| Resource Link(s): |
Monasterium.net |
Charter:
Innocentius Episcopus Seruus Seruorum Dej Dilectis filijs R scholastico maioris Ecclesie de Chyrbe et de Horbach plebanis Ratisbonensibus salutem et Apostolicam Benedictionem Sua nobis Prepositus et Conuentus de Ranshouen conquestione monstrauit quod C Archidiaconus Patauiensis super Jurisdictione visitationis et procurationis quorundam plebanorum pertinentium ad eosdem contra antiquam et approbatam consuetudinem et rebus alijs grauiter iniurietur eisdem Ideoque discretioni vestre per Apostolica Scripta mandamus quatenus partibus conuocatis et auditis hinc inde propositis quod iustum fuerit appellatione postposita decernatis facientes quod decreueritis per Censuram Ecclesiasticam firmiter obseruari Testes autem qui fuerint nominati si se gratia odio uel timore subtraxerint cogatis censura simili appellatione remota veritati testimonium perhibere Quodsi non omnes his exequendis poteritis interesse duo vestrum nihilominus exequantur Datum Laterani II Non Febr Pontificatus nostri Anno Duodecimo