Charter Document - 02490080

In nomine Domini amen Anno incarnationis ejusdem m ducentesimo septuagesimo septimo mense decembri nos Peponus Ysabellis uxor ejus Merietus et Morellus eorum liberi de Charantois notum facimus omnibus presentes litteras inspecturis quod nos debemus Johanni domino de Neeles domicello sexaginta libras turonensium occasione centum sextariorum bladi frumenti et avene pro medium que debabemus eidem Johanni de amodiatibus terrarum ipsius de Charantois quas amodiaveramus a dicto Johanne in tempore retroacto Quam pecunie summam nos tenemur et promittimus per juramenta nostra super sancta Dei evangelia corporaliter prestita reddere et solvere dicto Johanni vel latori presentium infra mensem post ipsorum requisitionem potestque debet dictus Johannes se tenere ad quolibet nostrorum vel melius apparentem si sibi placuerit de blado supradicto promittimusque per predicta nostra juramenta remittere in manu dicti Johannis cunctas terras vel hereditagia que adnobis devenerunt ex parte patris et matris mei Peponis predicta et ea omnia que sunt de tercia Johannis supradicti vel de censa ipsius seu de manu mortua predicti Johannis infra festum Nativitatis Domini proximo venturum si aliquid eorumdem contingerit remotum fuisse de manu ipsius Johanni seu etiam potestate Ego nunc Dierna soror predicti Peponis sine vi et metu non in aliquo circonventa de hiis omnibus que Peponus frater meus mihi dedit in maritagio me penitus devestio et devestivi et ipsum Johannem dominum de Neellis corporali investiens pro voluntate sua modis omnibus et omni tempore facienda pro quibus omnibus et singulis predictis melius adimplendis obligamus nos debitores et Dierna predicti prefato Johanni omnia bona nostra ubicumque existentia renunciantes in hoc facto per predicta nostra juramenta exceptioni amodiationis non legitime facte exceptioni bladi non habiti fori privilegio omni consuetudini et statuto omni privilegio crucis indulto et indulgendo juri valleyani et legi Julie de fondo detali non alienando juridicenti mulieribus in jure vel in facto errantibus fore succurendum cumque juri in favorem mulierum introducto et omni auxilio tocius juris canonici et civilis et omnibus aliis que contra hoc instrumentum vel factum possent obici seu dici et juridicenti generalem renunciationem non valere volumusque ad observationem omnium predictorum nos compelli quasi ex re adjudicata per curiam domini ducis Burgundie cujus jurisdictioni quo ad hoc supponimus nos et nostros heredes In quorum omnium testimonium litteris istis sigillum dicte curie supplicavimus et obtinuimus apponi Actum in presentia Stephani de Sinemuro notarii domini Petri de Neelles presbiteri Johannis dicti Picart domicelli Symonis et Lamberti de Mailleyo clericorum Gaufridi li Doures et Bertherii de Charantois testium ad hoc advocatorum anno et mense predictis