Charter Document - 02490079
| Charter Number: | 02490079 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1282 |
| Date type: | Internal, A.D. |
| Resource Link(s): |
|
Charter:
Nos frater Nicholaus humilis abbas ecclesie beate Marie de Castellionis super Sequanam conventusque ejusdem loci notum facimus universis presentes litteras inspecturis quod cum discordia verteretur inter fratrem Jacobum comcanonicum nostrum curatum de Colomeio Sicco ex una parte et Johannem militem dominum de Neellis ex altera super eo quod dictus Jacobus faciebat unam grangiam apud predictum Colomeium in quodam manso sito juxta grangiam decimarum ex una parte et juxta mansum dicti domini de Neellis ex altera supra cymeterium et subtus campum Lettri dicti Baclois quod opus dictus miles impediebat per renunciationem novi operis ut pote per jactum lapilli nec permittebat dicto curato dictum opus perficere tandem discordia predicta prout memoratus Jacobus coram nobis confessus est sedata extitit in hunc modum quod dictus Johannes renunciationem ydoneam remisit et vult et concedit quod dictus curatus possit dictum opus perficere et in dicto manso edificare et quod edificatum teneat et quod opus inceptum non possit nec debeat impedire nec edificatum destruere ratione feudi jurisdictionis vel alterius dominii quod habeat in dicta villa de Colomeio Sicto et ad hoc obligat se et suos heredes et dictus curatus seu successores sui pretextu istius edificationis non possunt nec debent aliquod jus novum reclamare si contingeret quod alibi vellent edificare apud Colomeium Sictum sed in eis salva sunt jura utrique parti et in eodem statu in quo erant tempore presentium litterarum Et omnia supradicta promisit dictus Jacobus bona fide ratione et inviolabiliter observare In cujus rei testimonium ad requisitionem dicti Jacobi sigilla nostra presentibus litteris duximus apponenda Actum anno domini Mcc octogesimo primo mense martio