Charter Document - 02490075
| Charter Number: | 02490075 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1272 - 1273 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis ejusdem millesimo cc septuagesimo secundo mense aprili ego Huo de Orricort miles notum facio omnibus presentes litteras inspecturis quod ego debeo Johanni de Neellis domino armigero tres modios frumenti boni et mercabili quos ab ipso mutuo recepi et habui ad mensuram de Castellione super Sequanam quod frumentum bonum et legale et mercabile ad eandem mensuram promisi reddere et solvere dicto Johanni vel ejus certo mandato ad festum beati Remigii proximo venturum per sacramentum meum prestitum super sancta Dei evangelia corporale et si in solutione dicto Johanni quod absit facienda defecerit omnia dampna missiones costamenta et interesse que et quas dictus Johannes ex tunc incurrerit sustinuerit aut fecerit pro predicto frumento recuperando vel ejus occasione teneor et promitto eidem reddere solvere cum dicto frumento sine litte sine impedimento sine cause strepitu et figura judicii et absque oblatione libelli et pacifice restaurare et dicto Johanni super hiis credere suo verbo simplici sine altera probatione facienda pro quibus omnibus faciendis melius ac eciam adimplendis obligo me dicto Johanni et omni bona mea mobilia et immobilia presentia et futura ubicumque sint aut poterunt invenire heredes quam meos presentes et futuros renuncians quantum ad hoc et omnia premissa ex certa scientia sub virtute prestivi juramenti exceptioni dicti frumenti non habiti non traditi et non deliberati exceptioni doli conventionis vel lesionis in factum fori privilegio legi de tempore quadrimestri epistole divi Adriani omni auxilio juris canonici et civilis omnibus consuetudinibus statutis et usibus patrie et omnibus aliis exceptionibus deceptionibus occasionibus et defensionibus quibuscumque que contra presens instrumentum possent obici seu dici et precipue exceptioni qua cavetur generalem renunciationem non valere volo autem et concedo quod ad omnia premissa tenenda compellamur tanquam ex re adjudicata per curiam domini ducis Burgundie cujus jurisdictioni quo ad hoc suppono me et meos heredes In quorum omnium testimonium litteris istis sigillum dicte curie domini ducis Burgundie supplicavi et obtinui apponi Actum al anno et mense predictis