Charter Document - 02490072
| Charter Number: | 02490072 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | French |
| Charter Origin: | Lay |
| Charter Type(s): | Recognition |
| Date: | 1268 |
| Date type: | Internal, A.D., Feast |
| Resource Link(s): |
|
Charter:
Nos Guiz de Semur chevaliers bailliz de la Montaigne por le noble baron Hugon duc de Bergoingne façons savoir a touz ces qui verront ces presantes letres que Jaquoz li fiz dame Adeline et la dite dame Adeline ont volu et outroié por devant nos que la cognoissance que Jehanz de Neelles a faite por devant nos que la dite Adeline est fame de l'eschange ne nuise neant au dit Jehan quant a la terre qu'il demande au dit Jaquot por devant nos En tesmoignaige de la quel chose nos havons mis nostre seaul en ces presantes letres que furent faites leu lundi aprés leu mois de Pasques de may an l'an de grace mil dous cenz et sexante et uit