Charter Document - 02490066

Nos Guillaumes de Chaace chevaliers bailliz de Ausois pour leu noble baron Hugon duc de Bergoingne façons savoir a touz ces qui verront ces presantes letres que en nostre presance estaubliz Jasuez juis de Montbar ha recogneu que de touz detes que onques Jehans de Neelles escuiers ne si devantier li deurent onques jusque au jour que ces presantes letres furent faites que il s'en est tenuz por paiez por devant nos et en ha quité leu dit Jehan et ses hoirs et en tel maniere que se nules letres estoient teutes avant des or en avant qui parlassient de nul dot fait cai en airiés dou dit Jehan ne de ses devantiers il li diz Jasuez vuet et outroie qu'eles fussient de nule valour Et que ce soit plus ferme chose et plus estauble par la requeste de dit Jasuet nos havons mis nostre seaul en ces presantes letres qui furent faites an l'an nostre seignor mil dous cenz et sexante et sex ou mois de marz en la unzeimme kalande de avril