Charter Document - 02490059
| Charter Number: | 02490059 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Lay |
| Charter Type(s): | Recognition |
| Date: | 1273 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis ejusdem millesimo ducentesimo septuagesimo tercio mense novembri nos Guillermus dictus Tenoilloz et Agnes ejus uxor de Naellis notum facimus omnibus presentes literas inspecturis quod nos debemus Johanni de Naellis domino nostro centum libras bonorum et legalium tur[] ex venditione sex erpantorum nemorum suorum ad mensura de Campania nobis ab ipso venditorum ac eciam traditorum quam pecunie summam tenemur et promittimus reddere et solvere dicto Johanni vel ejus certo mandato quamcito super hoc fuerimus requisiti Et si in solutione predicta quamcito super hoc requisiti fuerimus defecerimus facienda omnia dampna missiones costamenta et interesse que et quas dictus Johannes increverit sustinuerit aut fecerit pro predicta pecunia recuperanda vel ejus occasione tenemur et promittimus ipsi reddere vel suis heredibus cum dicta sorte sua et pacifice restaurare de quibus omnibus ipsi crederetur Johanni suo simplici juramento absque omni alia probatione facienda et hec omnia prout superius sunt expressa promisimus per juramentum nostrum prestitum super sancta Dei evangelia corporale pro quibus omnibus melius adimplendis obligamus nos dicto Johanni et suis heredibus et nostros heredes ac bona nostra omnia mobilia et immobilia presentia et futura renuntiantes in hoc facto ex certa scientia exceptioni dictorum nemorum non habitorum et non deliberatorum fori privilegio omnibus juribus in favorem mulierum introductis exceptioni doli mali circunventionis vel lesionis in facta omnique auxilio juris canonici et civilis volumus autem et concedimus quod ad omnia premissa tenenda compelleramur quasi ex re recognita vel adjudicata per curiam ducis Burgundie cujus jurisdictioni quo ad hoc supponimus nos et nostros heredes In quorum omnium testimonium litteris istis sigillum dicte curie suplicavimus apponi Actum anno et mense predictis in ecclesia beati Johannis de Neelis presentibus Petro vicario de Neellis Moreto Perello armigero Hauberto et Vaultero fratribus dicti Guillermi et Clemens dictus Patroilliez de Estéz