Charter Document - 02490057

In nomine Domini amen anno Incarnationis ejusdem millesimo cclxx quarto mense aprili nos Agneloz relicta Symonis dicti Meinde et Melineta dictorum Symonis et Agnelot filia de Montebarro notum facimus omnibus presentes litteras inspecturis quod nos non coacte non decepte inmo scientes prudentes et spontanee habentesque annos discretionis non vi vel dolo ad hoc inducte vendidimus tradidimus et deliberavimus titulo pure et prefate et irrevocabilis venditionis in hereditatem perpetuam Johanni domino de Neeles domicello quandam peciam terre sitam in finagio de Corbeton in loco ubi dicitur es ouches de Corbeton juxta pratum relicte Boichetini quondam burgensis de Montebarro ex una parte et pratum liberorum quondam Johannis leu Boitous de Montebarro ex altera que erat de censiva dicti Johannis domicelli Hanc autem venditionem de dicta pecia terre fecimus nos eidem Johanni pro precio quindecim librarum divionensium novorum quas quindecim libras divionensium confitemur et asserimus nos recepisse et habuisse a dicto Johanne in pecunia numerata et de ipsa summa pecunie nos tenemus et veramus quilibet in solidum pro pagatis penitus et contentis Quare nos de dicta pecia terre a nobis dicto Johanni vendita in manu dicti Johannis nos penitus devestimus et ipsum corporaliter investimus pro voluntate omnimoda sua propria et omni tempore facienda promictentes ambe per juramentum nostrum prestitum supra sancta Dei evangelia corporale nec non et per stipulationem legitimam quod contra venditionem hujusmodi non veniemus per nos vel per alias personas verbo facto consensu opere vel modo alio qualicumque nec contravenienti vel venientibus ullo modo in futurum consentiemus immo tenemur et promittimus quelibet in solidum et pro toto dictam peciam terre dicto Johanni et suis contra omnes in perpetuum garantire et facere et prestare pro dicto emptore et suis quicquid in causa evictionis prout sibi et prestari et ad predicta omnia et singula tenenda et adimplenda obligamus nos quelibet in solidum et pro toto et nostros heredes et bona nostra omnia mobilia et immobilia presentia et futura quecumque sint et ubicumque poterunt inveniri promittentes ambe sub religione jam prestiti juramenti quod nos dictam venditionem faciemus laudare et eidem faciemus consentire Baoletum maritum mei Melinete Guillelmum et Johannam liberos mei Agnelot et dicti Symonis mariti defuncti quocienscumque dictus Baoletus presens fuerit et dicti Guillelmus et Johanna ad etatem devenerint sufficientem et nos super hoc a dicto Johanne vel suis fuerimus requisite renunciantes ambe per juramentum nostrum in hoc facto omni actioni et exceptioni doli mali et cuilibet lesionis in factum exceptioni dicte venditionis non legitime facte exceptioni dicte pecunie non numerate non habite nec integraliter recepte rei minori precio vel minus dimidia justi pretii vendite beneficio illius decretalis de emptione et venditione si venditori subsidio dicte ypothece tam tacite quam expresse ac velleiani provilio legi julie de fundo dotali non alienando juri dicenti mulieribus vel ferre errantibus fore succurendum beneficio restitutionis in integrum conditioni sine causa omnibus consuetudinibus et statutis loci et patrie omni nove et veteri constitutioni omnibus graciis in favorem mulierum et pro legiis introductis et introducendis omnique auxilio juris canonici et civilis et juridicenti generalem renunciationem non valere volentes et concedentes quod ad predicta omnia et singula tenenda et adimplenda compellamus tanquam ex re adjudicata per curiam domini ducis Burgundie cujus jurisdictioni quo ad hoc supponimus nos et nostros heredes In quorum omnium testimonium literis istis sigillum dicte curie supplicavimus et obtinuimus apponi Actum est in presencia Petri de Divione publici notarii dicte curie Guillelmi dicti Paysanz et Pereneti dicti de Sanneiseio de Montebarro testium ad hoc specialiter advocatorum anno et mense predictis