Charter Document - 02490039
| Charter Number: | 02490039 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1233 |
| Date type: | Internal, A.D. |
| Resource Link(s): |
|
Charter:
Ego Andreas dominus Espissie notum facio presentibus et futuris quod ego Andree domino de Naeles consanguineo et fideli meo reddidi et reddo feodum suum de Charantois pro se et pro suis heredibus in perpetuum et quittavi et quitto eidem consanguineo meo et heredibus suis totam crescentiam quam in dicto feodo facere tenebantur et omnes alias querelas usque ad istam diem habitas inter me et ipsum quitto similiter eidem consanguineo meo et heredibus suis in perpetuum et eos de omnibus quitto penitus et absolvo tamen ipse Andreas de Naelles est homo meus legius salva fidelitate domini ducis Burgundie et sciendum est quod pro dictis quittationibus ego recepi a predicto Andrea de Neelles ducentas libras Pruviniensium in pecunia numerata et me teneo pro pagato Quod ut ratum et stabile permaneat presentes litteras eidem consanguineo meo tradidi sigilli mei munimine roboratas Actum anno Incarnationis Domini mccxxx secundo mense martio