Charter Document - 02490031
| Charter Number: | 02490031 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, A.D. |
| Resource Link(s): |
|
Charter:
Nos Guido abbas Beate Marie de Castellione super Sequanam et ego Clemens prior et capellanus beati Veroli de Castellione super Sequanam notum facimus universis presentes litteras inspecturis quod Acelina filia defuncti Pariseti de Bahalou et Johamnes maritus ejus in nostra presentia constituti recognoverunt se vendidisse domino Andree de Neelles militi quicquid habent vel debent vel possunt habere jure hereditario in finagio de Bahelou excepto usagio quod reclamant in nemore de Bahelou vendiderunt etiam quartam partem cujusdam Sehiz siti in nemore Ampilleii et quatuordecim libras quas habent in gageria super medietatem unius virgulti siti in villa de Bahelou pro viginti et quinque libris divionensium monete quas jam receperunt in pecunia numerata propter quod dicta Acelina et dictus Johamnes maritus ejus tenentur dicto Andree militi et heredibus suis dictum hereditagium et dictam gageriam contra omnes fideliter garantire In cujus rei memoriam presentibus litteris sigilla nostra duximus apponenda Actum anno Domini mccxl quinto mense junii