Charter Document - 02490030
| Charter Number: | 02490030 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1266 |
| Date type: | Internal, A.D. |
| Resource Link(s): |
|
Charter:
Nos frater Jacobus abbas humilis beate Marie de Castellione super Sequanam et nos frater Theobadus ejusdem loci prior notum facimus universis presentibus et futuris quod in nostra presentia constituti propter hoc specialiter Milo de Colonmiers dictus Rabouhans et Johannes et Dominicus liberi ejusdem spontanei recognoverunt coram nobis se concessisse tradidisse et deliberasse ratione et nomine legitime permutationis Johanni de Neellis armigero et ejus heredibus in perpetuum domum suam sitam apud Colunmiers cum camino sito retro dictam domum et mansum situm circum et retro dictam domum videlicet inter mansum defuncti Roolini et mansum Germani dicti lou Voisous In recompensatione cujus permutationis dictus Johannes de Neelis in nostra similiter constitutus presentia recognovit coram nobis se sponte concessisse tradidisse et deliberasse supradictis Miloni Johanni et Dominico ejusque heredibus in perpetuum nomine permutationis similiter medietatem duarum domorum et medietatem mansi retro dictas domos siti que domus fuerunt defuncti Huonis dicti lou Louat et situantur apud Colonmiers inter domum videlicet Naaleti filii Leodegarii et domum Symonete defuncte ville ejusdem cum quibus idem Johannes de Neelis tradidit et deliberavit ratione supradicta dictis Miloni Johanni et Dominico viginti libras monete Viennensis in pecunia numerata promittentes tam dictus Johannes de Neellis quam dicti Milo Johannes et Dominicus dictas permutationes in perpetuum inviolabiliter observare et quod contra dictas permutationes per se vel per alios non venient in futurum fide sua super hoc prestita corporali renuntiantes in hoc facto omni juris auxilio canonici et civilis per quod possent in futurum contra predicta venire vel aliquod predictorum aliquatenus impugnare In quorum omnium testimonium ad requisitionem dictorum Johannis de Neelles armigeri Milonis Johannis et Dominici presentibus litteris sigilla nostra duximus apponenda Actum anno Domini mcc sexagesimo sexto mense junio