Charter Document - 02490029
| Charter Number: | 02490029 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1266 |
| Date type: | Internal, A.D. |
| Resource Link(s): |
|
Charter:
Nos frater Jacobus abbas humilis beate Marie de Castellione super Sequanam et nos frater Theobaldus ejusdem loci prior notum facimus universis presentibus et futuris quod in nostra constitutus presentia propter hoc specialiter Milo de Colonmiers spontaneus recognovit coram nobis se vendidisse et concessisse penitus et in perpetuum laude et assensu Johannis et Dominici liberorum ejusdem Johanni de Neelles armigero et ejus heredibus quendam suum campum qui dicitur campus dominorum situm inter viam de Conchis et viam dictam de Ulmis pro viginti libris monete Viennensis de qua pecunia plenarie satisfactum est supradicto Miloni in pecunia numerata promittentes dicti Milo Johannes et Dominicus dictam venditionem dicto Johanni armigero heredibusque ejus adversus omnes impetentes in perpetuum legitime garantire juramentis suis prestitis corporalibus et quod ipsi per se vel per alios non venient contra dictam venditionem nec aliquid reclamabunt in futurum renuntiantes in hoc facto omni dolo et fraudi et omni juris auxilio canonici et civilis quod posset eis competere vel prodesse contra tenorem presentium litterarum In cujus rei testimonium ad requisitionem dictorum Milonis Johannis et Dominici presentibus litteris sigilla nostra duximus apponenda Actum anno Domini mcc sexagesimo sexto mense junio