Charter Document - 02490028
| Charter Number: | 02490028 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1262 |
| Date type: | Internal, A.D., Feast |
| Resource Link(s): |
|
Charter:
Nos frater Guillermus magister hospitalis Sancti Antonii Viennensis et fratres ac pauperes ibidem domino famulantes universis Christi fidelibus ad quos presentes littere pervenerint notum facimus quod cum inter dilectum in Christo fratrem nostrum Jacobum preceptorem quondam hospitalis nostri de Astez et fratres ipsius hospitalis ex parte una et nobilem virum Johannem armigerum dominum de Neellis super elemosinis domine Aiglentine quondam domine de Neellis et Huonis de Virgeyo ex parte altera questio diutius verteretur quarum elemosinarum ratione ipse Johamnes super terris de Neellis singulis annis tenebatur dicto hospitali de Astez in septem libris bonorum divionensium monete solvendis tandem per amicabiles compositores ita extitit ordinatum pacificatum et compositum inter partes super hujusmodi questione quod predictus Johannes persolvet annuatim quatuor libras et dimidiam bonorum et legalium divionensium quoad vixerit domina Adelina mater sua que tenet quandam partem terre de Neellis occasione dotis qua defuncta ipse Johannes vel quilibet successorum suorum aut quivis alius que dictam terram terram tenuerit dicto hospitali persolvet septem libras bonorum divionensium annuatim Nos autem dicti magister et fratres ac pauperes dictam compositionem laudantes et approbantes prout Rithe facta est ratam habemus et firmam et eam penitus confirmamus In cujus rei testimonium nos dicti magister et fratres et pauperes presentes litteras sigillis nostris sigillatas tradidimus Johanni superius nominato Datum apud Astez die Lune post Letare Jherusalem anno Domini mcc sexagesimo primo