Charter Document - 02490011
| Charter Number: | 02490011 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1245 |
| Date type: | Internal, A.D. |
| Resource Link(s): |
|
Charter:
Nos Guido humilis abbas beate Marie de Castellione et ego Clemens capellanus de Castro Castellionis notum facimus presentibus et futuris quod Guillermus de Neellis in presentia nostra recognovit se vendidisse domino Andree de Neellis militi nepoti suo omne illud quod habebat vel habere debebat in reditibus frugum scilicet in terciis in decimis et in omnibus aliis reditibus in tota castellatione de Noheriis castro et de Noheriis villa et de Chapelgrimaul pro centum libris divionensium jam solutis conditione autem tali quod si dictus Guillermus dictam venditionem redimere voluerit usque ad viginti annos pro dicta summa pecunie rehabebit hoc salvo quod dictus Guillermus promisit obligando se dicto militi quod venditiones in manu dicti militis factas ante redemptionem dicte venditionis redimere non posset nec res precipue in manu dicti militis obligatas recognovit preterea dictus Guillermus quod omnia predicta movebant de feodo dicti Andree militis Quod ut firmum permaneat ad peticionem partium presentes litteras sigillorum nostrorum munimine roboravimus Actum anno Domini millesimo ducentesimo quadragesimo quinto mense Augusto