Charter Document - 02490004
| Charter Number: | 02490004 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Internal, A.D. |
| Resource Link(s): |
|
Charter:
Nos frater Johannes abbas Quinciaci et nos Jacobus decanus Molismensis notum facimus universis presentes litteras inspecturis quod in presentia nostra constitutus Guillermus domicellus de Neelles non coactus sed spontaneus recognovit se vendidisse et in perpetuum concessisse Andree domicello de Neelles nepoti suo et heredibus suis in perpetuum omne jus et omnem rationem quod et quam habebat et habere poterat seu debebat in villa de Neelles et in finagio ejusdem ville scilicet in hominibus terris nemoribus dominio et justicia et in omnibus aliis rebus et similiter quicquid habebat et habere poterat seu debebat in villa de Colonmerio et in finagio ejusdem ville tam mobilia quam inmobilia et similiter quicquid habebat apud Chapiagrimaul in quibuscumque bonis et de omnibus predictis se devestiens coram nobis et de omni jure quod in eis habebat ex quacumque ratione tam ex caduco quam ex alia causa predictum Andream pro se et pro suis heredibus in perpetuum investivit et hec omnia erant de feodo dicti Andree prout idem Guillermus recognovit coram nobis Precium autem hujus venditionis fuit ducente et sexaginta libre Divionensis monete quam pecuniam idem Guillermus recognovit coram nobis se a dicto Andrea integraliter recepisse abrenuntians omnino exceptioni non numerate et non recepte pecunie Quod ut ratum et stabile in perpetuum habeatur ad petitionem dicti Guillermi nostra presentibus litteris apposuimus sigilla Actum anno gracie millesimo ducentesimo tricesimo quarto mense junii