Charter Document - 02490001
| Charter Number: | 02490001 |
|---|---|
| Cartulary Title: | Le Cartulaire de la Seigneurie de Nesle |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1239 |
| Date type: | Internal, A.D. |
| Resource Link(s): |
|
Charter:
Ego Hugo dux Burgundie notum facio presentibus et futuris quod cum inter dominum Milonem militem de Sancto Florentino et uxorem ejus Haalis filiam domini Mathei defuncti de Astex ex una parte et Harmeniart sororem ejusdem dominam Sumbernionis cognomine Blanche relictam Herveii domini Sumbernionis et Andream dominum de Naelles et Matheum et Hugonem fratres ejus liberos Aiglantine filie dicti Mathei sororis earundem ex altera verteretur discordia de omni hereditate dicti Mathei [quam hereditatem inter se pacifice dividere non poterant] propter hoc in mea presentia comparuerunt et de illa discordia que erat de predicta hereditate ante me in hunc modum pacificaverunt videlicet quod dicto Miloni et uxori sue Haalis et heredibus suis remanet omnis villa de Poiz et fortericia cum appenditiis tam in terris quam nemoribus et feodis et rebus hiis preter quamdam partem terre et nemoris qui sunt in finagio de Poix et nemoribus de Poix Quam terram et quod nemus predictus Milo et uxor ejus Haalis de consensu Milonis filii sui dederunt et concesserunt domine Hermeniarde Sumbernonis et domino Andree de Naelles et Matheo et Hugoni fratribus ejusdem sicuti et mere de consensu partium posite dividunt Preterea adhuc remanet sepe dicto Miloni et uxori sue et heredibus suis omnis villa de Corbeton cum appenditiis tam in feodis quam rebus aliis et tercia pars Guidonis burgensis de Montebarro cognomine Flameryot et heredum suorum et proventus molendini quod est situm apud Montembarrum et terra de Colommers et terra de Averunia et de Bainois et de Noirs cum hominibus et feodis et rebus aliis et vineis et pedagium de Belna Siquidem domine Sumbernionis et domino Andree et Matheo et Hugoni fratribus ejusdem Andree remanet omnis villa de Attez cum appenditiis tam terris quam hominibus nemoribus feodis et rebus aliis et fortericia cum crescentia predicte terre et predicti nemoris sicuti et mere dividunt que sunt in finagio de Poiz et omnis villa de Vilebarni cum omnibus feodis et rebus aliis et terra de Corbleichie et de Charantois cum appenditiis feodis et rebus aliis et due partes Guidonis burgensis de Montebarro cognomine Flameryot et heredum suorum et terra de Noigent et de Flavigney et de Chancerose et de Saiterone cum feodis et omnibus appenditiis et rebus aliis Ut autem hoc ratum et firmum in perpetuum habeatur ad petitionem utrarumque partiium presentibus litteris sigillum meum apposui Actum anno Verbi incarnati millesimo ducentesimo tricesimo nono mense maii