Charter Document - 02480006
| Charter Number: | 02480006 |
|---|---|
| Cartulary Title: | Visitations and Memorials of Southwell Minster |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1300 |
| Date type: | Assigned |
| Resource Link(s): |
|
Charter:
Provisum est quod nullus juratus ad sectam chori Ecclesie de Southwell absentet se ab ecclesia quovis modo sine licentia a Canonico Residenti petita et obtenta vel a Custodibus Capituli casu contingente nullo Canonico tunc presente Item Provisum est et ordinatum quod qualiscunque Canonicus Ecclesie Collegiate Beate Marie Southwell Prebendarius in eadem pacificam prebende sue habens possessionem per annum volens et intendens suam primam facere Residentiam in ecclesia Southwell ante inchoationem hujus Residentie ad Festum Sancti Michaelis vel infra octo dies immediate idem festum sequentes per tres dies coram Canonicis in domo capitulari Canonicorum si quis fuerit tunc Residentiarius aliter nullo Canonico Residente coram Custodibus Capituli Southwell in capitulo ad preciosa de adventu suo et Residentia sua inchoanda publice protestationem faciet et premonitionem Si quis vero Canonicus istam formam non observaverit pro non Residenti habeatur et reputetur ac a perceptione distributionum Canonico Residenti debitarum totaliter sit exclusus