Charter Document - 02480005

Johannis Ebor Archiepiscopi Johannes permissione divina Ebor Archiepiscopus Anglie Primas dilectis in Christo filiis Capitulo nostro Southwell salutem gratiam et benedictionem Hesterna die Martis proxima post Festum Epiphanie Domini anno gratie millesimo ducentesimo nonagesimo tertio ad recreationem animarum vestrarum visitationis officium paternis affectibus exercentes ea que tunc correctione digna reperimus reformamus in hunc modum Imprimis Itaque firmiter vobis injungendo mandamus et precipimus quod Vicarii et Clerici se a confabulationibus et risu in Choro maxime ubi divinis jugiter intendere tenentur obsequiis de cetero abstineant Et si per Capitulum moniti et correcti id facere neglexerint a choro penitus expellantur Item Sacrista jaceat infra ecclesiam et secundum horologium debitis horis pulset Item Clerici ad servanda hostia ecclesie deputati corripiantur per ipsum et nisi ei obedierint aliasque se honeste habuerint ipsos amoveri volumus per eundem Amoveantur mulieres a domibus Vicariorum [personis conjunctis que careant omni suspicione exceptis] sub pena subtractionis stipendiorum et privationis officiorum et beneficiorum suorum si corum pertinacia id exposcat Item De consensu omnium vestrum tunc presentium statuimus et decernimus statuendo quod de cetero beneficia interiora ecclesie per tres ad minus canonicos qui commodius haberi poterunt conferantur Pro exterioribus autem beneficiis fiat fratrum convocatio consueta [collationibus quibuslibet factis hactenus in suo robore duraturis] volentes quod secundum statutum vestri Capituli in conferendis beneficiis qui in ecclesia plus laboraverint preferantur et si secus actum fuerit viribus careat hujusmodi collatio et effectu Item Sigillum magnum sub sigillis trium Canonicorum et parvum ad citationes sub sigillo unius Canonici habeantur Munimenta que contingunt ecclesiam non exhibeantur alicubi de cetero nisi coram fratribus in Capitulo vel etiam instrumenta Fiant gradalia processio naria et tropo oria concordantia citra visitationem nostram proximam sub pena centum solidorum quos a vobis levari mandabimus si fuerit secus actum Quoad dimittendum prebendas ad firmam uti poteritis sicut hactenus fieri consuevit proviso quod laicis de cetero nullatenus dimittantur sub pena contra venientibus graviter infligenda Statuimus etiam ordinando quod singuli Canonici suis absque contradictione solvant vicariis ad relevationem vicariorum ipsorum qui per duos Vicarios jam pro duabus prebendis de novo creatos dum in perceptione oblationum et obitum concurrunt nimis gravantur sexaginta solidorum annuatim et ad hoc per vos capitulum districtius compellantur vobis firmiter injungentes quod si apparuerint forsan Canonici vel procuratores ipsorum qui hujusmodi solvere stipendia statutis terminis neglexerint ipsos [scilicet tam presentes quam absentes] ad id per omnes vias quibus de juris rigore poteritis compellatis Item Quilibet absens Canonicus procuratorem sufficientem habeat qui Capitulo respondeat et ecclesie Vicariis de suis stipendiis assignatis satisfaciat terminis ad quod per vos quilibet absens compellatur Statuimus etiam et decernimus statuendo quod in omnibus ecclesiis parochialibus prebendis annexis citra primam visitationem nostram ordinentur et fiant Vicarii perpetui qui curam habeant in eisdem alioquin ex tunc ordinabimus in causa vestre negligentie de eisdem Domus alienigenarum Canonicorum minantes ruinam infra annum reparentur debite ad quarum reparationem ipsos per vos compelli volumus et mandamus sub gravi pena per vos Capitulum juxta defectus taxanda quod ad fabricam novi capituli deputetur De cetero caveant Residentiarii Canonici quod nullus succedens alii residendo mandatum scribat illi contrarium quod per precedentem suum residentem canonicum nomine capituli emanavit sed ante quam scribat circumspecte deliberet ne super scriptura sua redargui valeat sicut contingit aliquando Hec supradicta omnia apud vos in virtute obedientie precipimus observari Data Suthwell die Mercurii in Octobris Epiphanie anno gracie supradicto et Pontificatus nostri octavo