Charter Document - 02480003

Anno Domini MCC sexagesimo die Jovis proximo post Sancti Mathei Apostoli vocati convenerunt fratres et concanonici Ecclesie Beate Marie Suthwell in capitulo ejusdem ecclesie ut statui suo et presertim ecclesie providerent Et in principio consensu erunt omnes tunc presentes et procuratores eorum qui erant absentes ut ordinatio et scripta felicis memorie Domini Walteri Archiepiscopi sigillis ejus et dicti capituli signata de communia sua percipienda servetur Intelligentes illud in scripto illo insertum quod studentes in theologia in percipienda communia dicentur residentes de illis tantum qui student Parisiis Oxonia vel Cantabrigia et qui theologiam audiverunt vel legerunt ordinarie et ad minus per duos terminos illius anni quo pro residentibus habentur alioquin communiam non participent Intelligentes etiam illud quod ibidem inseritur de exeuntibus propter causam urgentem quod canonici si infra suos tres menses tantum bis vel ter causa predicandi vel confessionis audiendi in suis ecclesiis ad prebendas suas pertinentibus vel exercendi in prebendis suis ea que ad curam et sollicitudinem earundem prebendarum requiruntur exierint et non ultra tres noctes extra villam Suthwell moram fecerint pro residentibus debentur haberi Ita tamen quod a canonicis tunc residentibus licentiam petierint aliquam dictarum causarum assignantes sui processus et super quo sue veraci assertioni crederetur Canonici vero qui ad aliquam ecclesiam suam ad prebendam suam non pertinentem eadem de causa consimilibus vicibus petita licencia et assignata causa sui recessus exierint perficient illos dies sue absentie infra annum vel communiam in fine anni non percipient Item custos fabrice ecclesie secum habebit aliquem capellanum de ecclesia sibi a residentibus datum qui in compoto suo de receptis suis et expensis suis poterit ei testimonium perhibere Nec novam fabricam incipiet in ecclesia vel extra nisi de consensu fratrum in generali congregatione presentium procuratorum absentium Item custodes communie compotum suum in fine anni reddent modo debito ut alias est ordinatum Et post compotum committent officium suum cum clavibus et omnibus sibi commissis in manus canonicorum tunc residentium qui per biduum vel triduum deliberabunt quibus scilicet illis vel aliis voluerint illud officium assignare Et istud fiet singulis annis statim post compotum eorundem Preterea supradicti canonici omnes tunc presentes et procuratores eorum qui erant absentes consenserunt quod illi canonici residentiarii qui infra tempus residentie sue inchoate per mortem decedunt naturalem pro residentibus intelligantur ita quod communiam ceterasque distributiones dicte ecclesie saltem pro rato temporis percipiant cum effectu