Charter Document - 02480001
| Charter Number: | 02480001 |
|---|---|
| Cartulary Title: | Visitations and Memorials of Southwell Minster |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1221 - 1225 |
| Date type: | Assigned |
| Resource Link(s): |
|
Charter:
Omnibus Christi fidelibus ad quos presens scriptum pervenerit Walterus Dei gratia Ebor Archiepiscopus Anglie primus salutem in Domino Noverit Universitas vestra nos ob reverentiam Dei et Beate Marie Virginis ecclesiam de Rolleston nobis a veris ejusdem ecclesie Patronis scilicet Priore et Conventu de Thurgarton de assensu insuper et voluntate Henrici de Rolleston militis qui aliquando jus advocationis sibi in eadem vindicavit concessam in usum Suthwellensis ecclesie convertendam canonicis in eadem ecclesia Suthwellensi Residentibus in augmentationem communie sue cum omnibus ad eandem Ecclesiam pertinentiis caritative contulisse salva Priori et Conventui de Turgarton portione sua quam eis de pertinentiis memorate ecclesie concessimus sicut in carta capituli Suthwell eis super hoc confecta continetur Solvendo annuatim dicte ecclesie Suthwell duas petras cere in augmentum luminarium ad duos terminos sicut tam in dicta carta capituli quam in carta dictorum Prioris et conventus inde confecta continetur Quod ut ratum stabile inconcussum duret in posterum presenti scripto sigilli nostri munimine consignato confirmandum duximus et corroborandum Hiis testibus Willelmo Thesaurario Ricardo Cornubie Serlone Roberto de Wynton Canonicis Ebor et aliis