Charter Document - 02450131
| Charter Number: | 02450131 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1161 - 1184 |
| Date type: | Assigned |
| Resource Link(s): |
|
Charter:
[B]arth[olomeus] dei gratia episcopus Exoniensis dilectis filiis Hugoni priori et monachis de Sullya salutem Intimatum est nobis pro certo quod notificatio dispositio eum ecclesia sancte Marie de Heumor ad ius monasterii Tavistoch cum omnibus pertinentiis suis noscatur pertinere Ricardus de Wika miles in parochia eiusdem ecclesie absque assensu et voluntate abbatis et conventus Tavistoch cappellam quandam auctoritate propria fabricari fecit in qua ut dicitur quidam sacerdos absque auctoritate nostra divina celebrare presumpsit officia Inde est quod vobis precipimus quatinus in eadem capella divina celebrari officia interdicatis ex parte nostra et tam Ricardum quam presbiterum per idoneos testes citari faciatis ut coram nobis appareant apud Exoniam in crastino ascensionis domini sufficienter instructi et monachis Tavist responsuri miles super hoc quod predictam capellam auctoritate propria fabricari fecit sacerdos vero super hoc quod in eadem capella divina celebrare presumpsit Valete