Charter Document - 02450125
| Charter Number: | 02450125 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1173 |
| Date type: | Internal, A.D., Feast |
| Resource Link(s): |
|
Charter:
B dei gratia Exoniensis et R eadem gratia Wygorniensis dicti episcopi omnibus fidelibus ad quos presens scriptum pervenerit salutem Noverit universitas vestra quod dominus papa delegavit nobis causam que vertebatur inter dilectos fratres nostros [S] abbatem et monachos sancti Albani et A clericum de Luytona super tertia [parte] ecclesie de Luitona et [omnibus de qui]bus idem A se iniuste spoliatum conquerebatur cognoscendam et fine canonico terminandam Partibus itaque in presentia nostra constitutis et allegationibus hinc inde auditis tandem intervenientibus amicis sub has transactionis forma lis tota sopita est Predictus A clericus liti et iuri quod dicebat se habere in prefata ecclesia et allatorum repetitioni renuntiavit Abbas vero et conventus sancti Albani sepe dicto A clerico quoad vixerit c solidos annuatim nomine transactionis solvent [per] manum cellerarii sui quisquis is fuerit l videlicet infra octabas pasche et alios l ad festum sancti Michaelis incipientes solvere ad proximum pascha post factam transactionem A vero clericus se hoc fideliter et firmiter observaturum in presentia nostra fide corporaliter prestita obligavit et abbas pro se et pro conventu suo hoc idem in verbo veritatis repromisit Quod ut ratum inconvulsumque perma[neat] nos qui iudices aderamus delegati auctoritate qua fungebamur approbavimus et attestationis nostre munimine fecimus roborari Facta est autem hec transactio anno domini MCLXXIII in festo sancte Cecile apud Lund [Testibus] magistro Iohanne de Sar Nicholao priore [de] Waring magistro Ambrosio magistro [Galf]redo de Hamelamest magistro Nigello de Redgrave Radulfo de Bertona M Lowys [] Alexandro de Luitona Ricardo de Faldo Willelmo de Linleia