Charter Document - 02450124
| Charter Number: | 02450124 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1177 |
| Date type: | Internal, A.D., Calendar |
| Resource Link(s): |
British Library - Egerton MS 3031 (f54r,p111) |
Charter:
Omnibus matris ecclesie filiis ad quos presens carta pervenerit B[artholomeo] dei gratia Exoniensis et I[ohannes] eadem gratia Cicestrensis episcopi salutem in domino Universitati vestre notum facimus causam que vertebatur inter monasteria Rading et Gloec canonicis sancti Augustini de Bristold assistentibus et competitoribus monachis Rading super ecclesia de Camma et ipsius pertinentiis omnibus quam a reverentissimo papa nostro Alexandro tertio nobis delegatam suscepimus cognoscendam et fine debito terminandam amicis intervenientibus et illustris regis H[enrici] secundi auctoritate et assensu sub hac pacis forma tandem totam in perpetuum sopitam ad nos relatam esse Monasterium Gloec pro bono pacis et nomine transactionis pro memorata querela perpetuo terminanda solvet annuatim monasterio Radingensi vi marcas argenti iii ad pascha et iii ad festum sancti Michaelis quarum medietatem percipient canonici sancti Augustini de Bristol per manus monachorum Rading Tenebit autem monasterium Gloec predictam ecclesiam de Camma cum omnibus pertinentiis suis de rege in capite sicuti propriam ipsius elemosinam salva monachis Rading predicta vi marcarum solutione ab ipso monasterio Gloec facienda ita ut et monachi Radingenses vi illas marcas tanquam propriam domini regis elemosinam perpetuo percipient et possideant Id etiam compositionis tenori adiectum est ut ad prescripte ecclesie pertinentias revocandas que ei subtracte sunt aut a quibuscumque detente monachis Gloec Radingenses monachi coadiuvantibus canonicis sancti Augustini consilium et auxilium karitative et socialiter impendant Debent etiam monachi Gloec eorundem canonicorum super memorata compositione quantum in eis est fideliter firmiterque servanda cartam confirmationis habere Hanc igitur transactionem auctoritate apostolica qua in hac causa fungebamur confirmavimus et sigillorum nostrorum appositione corroboravimus Hanc etiam nostre confirmationis paginam super prescripta compositione in presentia domini nostri illustris regis H[enrici] secundi apud Wodestoc facta anno ab incarnatione domini MCLXXVII v kal[endas] Augusti apud Wilt indulsimus His testibus Reginaldo Bathoniensi episcopo Henrico abbate de Waverl Baldewino abbate Fordensi Stephano priore sancte Trinitatis que est Lond[onie] Iohanne priore de Ferle Sefredo decano Cicestr Waltero precentore Sar Symone archidiacono Wygorn Rogero archidiacono de Berdestapel Ricardo Lupello Roberto priore de Kenildeworth magistro Thoma de Husleburne magistro Vincencio Petro et Gaufredo clericis domini Exon Edmundo et Philippo de Lond clericis domini Cicestr