Charter Document - 02450111
| Charter Number: | 02450111 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1177 - 1184 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Bartholomeus dei gratia Exoniensis episcopus eternam in domino salutem Cum ex iniuncto nobis teneamur officio viros religiosos maxime auctoritate nostre iurisdictioni subiectos fovere et sustentare eorumque piam conversationem pio prosequi favore ad universitatis vestre notitiam volumus pervenire quod nos pietatis affectu concedimus et confirmamus deo et ecclesie sancti Stephani de Lanstavaton et canonicis ibidem deo famulantibus ecclesiam sancti Genesii cum capellis suis videlicet sancte Iulitte et de Cracumton cum omnibus pertinentiis suis ut eas libere et quiete imperpetuum possideant et in usus proprios pacifice convertant et disponant Et ut hec concessio et confirmatio nostra robur perpetue firmitatis obtineat eam presenti scripto et sigilli nostri appositione communimus salvo nobis et successoribus nostris iure episcopali Hiis testibus magistro Roberto archidiacono Totton Rogero archidiacono Barnast magistro Galtero archidiacono Cornub Petro Picot []