Charter Document - 02450095

Omnibus fidelibus ad quos presens scripture pervenerit Bartholomeus divina miseratione dictus episcopus Exoniensis salutem in domino Noverit universitas vestra quod Iohannes Poerus assensu et voluntate uxoris sue Marie et fratris sui Bartholomei et liberorum ac heredum suorum Rogerii et Emme in presentia mea pro amore dei concessit monasterio sancti Iacobi extra portam australem Exonie constructo et monachis Clunn ibidem deo servientibus donationem patris sui Roberti Poeri perpetuo possidendam de tota terra a fonte qui vocatur Sevewilla usque ad terras de Liverlake que fuit de questu Livene avie Emme matris sue Concessit etiam assensu predictorum omnium ipsi monasterio et monachis eisdem quandam terram perpetuo possidendam extra portam orientalem civitatis Exon quam Stephanus pictor iure hereditario tenet reddendo inde annuatim tres solidos sterlingorum ipsis monachis ad quatuor terminos ad natalem domini novem denarios ad pasca ix denarios ad nativitatem Iohannis Baptiste ix denarios ad festum sancti Michaelis ix denarios Que quidem concessio facta est salvo in perpetuum iure ipsius Stephani et heredum suorum Concessit etiam eorundem assensu eidem monasterio et monachis in perpetuam elemosinam undecim acras terre in uno continenti prope Hevetriam et in alio loco tres acras versus capellam sancti Leonardi quas predictus Robertus pater suus eis dederat in perpetuam elemosinam libere et quiete possidendas qui ab eis monachicum susceperat habitum seque in extremis laborantem cum omnibus [terris] predictis beneficiis et orationibus monachorum Clunn commisit et dedit Et ut prefatus Iohannes hanc donationem Roberti patris sui firmam in perpetuum fore libentius concederet prenotati monachi sancti Iacobi sicut ipse Iohannes palam confessus est sexaginta solidos sterlingorum ei dederunt et ipse voluntarie divino intuitu concessit eis et donavit predictas terras omnes quieto et perpetuo iure quietoque dominio habendas ac possidendas ita etiam quod ipse et heredes sui contra omnes homines eas ipsis garantizare tenentur Hoc autem totum ipsius Iohannis Poeri carta testatur quam inspexi et intellexi qui a me humilibus precibus ut eandem cartam suam confirmarem impetravit Preterea sciendum est quod ipsi monachi tam ipsum Iohannem quam uxorem eius Mariam et fratrem ipsius Bartholomeum et omnes consanguineos suos in fraternitatem et participationem orationum monachorum Clunn receperunt de bona voluntate adicientes quod ipse Iohannes et frater eius Bartholomeus cum eis placuerit monachicum ibidem habitum suscipere poterunt Et ut hec omnia rata semper et inconcussa permaneant ego ad petitionem tam ipsius Iohannis quam antedictorum monachorum sicut episcopus dioecesanus presenti scripto et sigilli mei appositione ea confirmavi His testibus Roberto archidiacono Totonie Rogerio archidiacono Barnest Waltero archidiacono Cornubie Radulfo sub archidiacono Exon Alveredo custode magistro Baldwino magistro Petro Roberto [de] Anco Petro Serlone canonicis Angero tunc temporis priore Sewardo