Charter Document - 02450075
| Charter Number: | 02450075 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1155 - 1158 |
| Date type: | Assigned |
| Resource Link(s): |
|
Charter:
[R dei gratia Exonionsis episcopus] dilecto filio Waltero salutem et paternam benedictionem Et equitati[s] racio et paterna nos hor[tantur affectio de]votos et humiles filios propensius fovere et sua eis que in ecclesia in qua milita[verint meruerunt] stipendia conservare Eapropter dilecte in domino fili Waltere devotionem tuam quam erga eccl[esiam beati Petri] in qua honestissime militasti habere dinosceris attendentes personam tuam cum bonis tam ecclesiasticis quam mundanis que inpresentiarum legitime possides sub dei et nostra protectione suscipimus et presentis scripti patrocinio communimus In quibus hec duximus propriis exprimenda vocabulis prebendam videlicet tuam quam habes in ecclesia Exoniensi ecclesiam de Tautona duodecim marcas de archidiaconatu Exoniensi annuatim pro equis portionibus in quatuor terminis tibi persolvendas scilicet in festo sancti Michaelis in natali domini in pascha in natali beati Iohannis Baptiste domos etiam tuas in fundo Exoniensis ecclesie [s]itas quas propriis expensis edificasti ut eis toto tempore vite tue tanquam propriis utaris et cum tibi placuerit libere tibi liceat eas in cuiuscunque volueris transferre dominium salvo iure Exoniensis ecclesie quod habet in solo in quo predicte domus constructe sunt Nulli ergo hominum fas sit personam tuam temere perturbare aut bona tua auferre seu minuere Si quis autem ho[c a]ttemptaverit sciat se in districto examine racionem redditurum Huius concessionis et confirmationis testes sunt Iohannes decanus Cicestrensis Hugo archidiaconus Willelmus archidiaconus Petrus frater episcopi Ioseph magister Ricardus