Charter Document - 02450053
| Charter Number: | 02450053 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1138 - 1160 |
| Date type: | Assigned |
| Resource Link(s): |
|
Charter:
Robertus dei gratia Exoniensis episcopus capitulo Exoniensi salutem et dei benedictionem Notum vobis sit et per has litteras memorie posteriorum insinuetur quod monachi de Modbyr in presentia mea sufficienter probaverunt quod Baldewynus de Loudebroc erat parochianus ecclesie de Modbyr et omnes decimationes totius dominii sui de Loudebroc pertinebant prefate ecclesie de Modbyr et monachis ibidem deo servientibus et ne postmodum dissensio super hoc oriatur inter ecclesiam de Modbyr et ecclesiam de Ermyngton volumus et precipimus hanc cartam esse sigillatam sub sigillo meo Testibus Hugone de Auco archidiacono Philippo Const Waltero priore Totton et multis aliis