Charter Document - 02450050
| Charter Number: | 02450050 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1149 |
| Date type: | Internal, A.D. |
| Resource Link(s): |
|
Charter:
Notum sit tam futuris quam presentibus quod ego Robertus dei gratia Exoniensis episcopus concessi et confirmavi ecclesie sancte Marie de Totoneis et monachis sancti Sergii ibidem deo servientibus in augmentum victus sui et ad sustentationem religionis ecclesiam de Clistona Rogerii de Nonant cum capellis et terris et omnibus rebus eidem ecclesie pertinentibus salvo iure nostro et consuetudinibus episcopalibus Hac conditione sacerdos debet presentari per manum prioris de Totoneis nobis et archidiacono nostro qui eidem ecclesie deserviat honeste et honorifice nostro consilio et assensu Debet etiam providere consilio nostro ipsi sacerdoti de eadem elemosina unde habeat victum et vestitum honeste et respondere possit de consuetudinibus episcopalibus et hospitalitatem sectari Hoc autem actum est in communi capitulo nostro anno ab incarnatione domini MCXLVIIII regnante in Anglia Stephano rege presidente sedi metropolitane Teobaldo archiepiscopo per requisitionem et consensum Rogerii de Nonant de cuius feudo eadem ecclesia erat Et ut hoc ratum et inconcussum inperpetuum permanent presenti scripto testificamur et sigillo nostro corroboramus Testes Gaufridus prior Plimt Willelmus prior de Monebiria Walterus Willelmus et Hugo et Radulfus archidiaconi Alwredus Bricius Petrus canonicus magister Benedictus Richardus filius Reinfredi W de Cuhic Robertus Dacus Hoc factum est tempore Walterii prioris de Totoneis