Charter Document - 02450032
| Charter Number: | 02450032 |
|---|---|
| Cartulary Title: | Exeter 1046-1184 Volume 11 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1148 |
| Date type: | Internal, A.D., Feast |
| Resource Link(s): |
|
Charter:
Robertus dei gratia Exoniensis episcopus omnibus cristiane fidei cultoribus et ecclesie catholice dilectoribus timorem dei pariter et amorem Quoniam ex iniuncto nobis officio debitores sumus ut ecclesiarum et ibi deo famulantium possessiones et elemosinas tueri et augere loco et tempore studeamus eo nimirum intuitu canonicorum nostrorum Exon communionem et victum substantialem ad honorem dei et servitium ecclesie nostre roborandum amplificare decernentes ecclesias de maneriis sancti Petri omnes canonicis nostris libere et absolute quas prius habueramus in commune reddidimus offerentes eas super altare sancti Petri per textum ewangelii in presentia et testimonio Patricii episcopi de Limeric et universi cleri et populi civitatis in die assumptionis sancte Marie die dominica per C anno MCXLVIII ab incarnatione domini Sic tamen predictas ecclesias cum suis pertinentiis concessimus ut nostro communi assensu disponantur et honestis vicariis et honestis expensis eisdem necessariis commendentur cum vacaverint Porro interim Hugo archidiaconus ecclesiam de Branchiscumba et ecclesiam de Sainctemariecherche in diebus suis teneat et Aluredus ecclesiam de Duvelis et ecclesiam de Teingemudani et Rogerus filius Capellani ecclesiam de Sideberia et Hugo presbiter ecclesiam de Stovertona et Ricardus filius Godefridi ecclesiam de Stoches in vita sua similiter habeant His vero canonicis prenominatis et clericis de medio factis ecclesie predicte ad capituli nostri communionem redeant prout pretaxatum est salvo ubique iure nostre subiectionis et dignitatis Quod ut presentibus et futuris inconcussum et ratum permaneat sigilli et carte nostre munimine et testium prelibatorum videlicet Patricii episcopi de Limeric et cleri et populi Exonie et ipsorum canonicorum astipulatione confirmatum assignavimus orantes ut quicumque huius nostre largitatis et beneficentie liberalitatem dei pro amore manutenuerit sit ei dei misericordia clemens et delictorum suorum indultrix Verum quisquis ex adverso huic rei contradixerit et obstiterit ultioni divine subiaceat nisi resipuerit Amen Fiat Fiat